كيف حالك بقلم نجلاء البنداري
حوار مع نفسي ..
كيف حالك؟
سألتني فجأة...
كيف حالك؟
ما عرفتش أرد بسرعة.
سؤال بسيط بس تقيل .. زي ما يكون خبط على باب مقفول بقاله زمن.
ردّيت على نفسي وأنا مغمضة:
أنا ماشية .. مش واقفة بس مش طايرة كمان.
في صوت جوايا قال لي:
طيب وانتي ماشية رايحة فين؟
قلت له: مش عارفة بس بحاول أهرب من الحتة اللي وجعتني.
كل يوم بصحى وأنا بحاول أكون أحسن
بس في حتة جوايا بتقول:
كفاية تمثيل .. انتي مش بخير وانتي عارفة.
أنا مش ضعيفة .. بس مجهدة.
مش حزينة .. بس في حزن ساكن جنبي.
مش وحيدة .. بس محدش واخد باله.
في لحظة صدق قلت لنفسي:
انتي مش محتاجة حد يفهمك انتي محتاجة تحضني نفسك.
وبعدين ..!
ابتسمت رغم كل حاجة وقلت لها:
أنا معاكِ .. لحد ما تبقي بخير بجد.
تعليقات
إرسال تعليق