موظف حلنجي بقلم عبدالمنعم مرعي
موظف حلنجي 
.....................
موظف حلنجي حرامي ومرتشي
على الدرج دائما ايدة فيه ماسكة بينتشي
لرشاوي طالب من غير مايختشي
فحيرة أنا من أمري واقف بصتلة المفتري
بنظرة فيها عفاف وحبيتن لطاف
يمكن يحن يخاف ويحصل بينا استعطاف
بحالتي يرئف يختشي
من حيرتي اللي شافها بعيني
وأنا واقف طبعاً قدامة لقيتة بكل قيامة
زغرلي وبصلي فٍرحت بحالي طبعا
قام ورفعلي عينة وبحاجبة خضني
قام ليه منادي طبعاً من الفرحة
أنا طيرت بسرعة ليه اتاريني ياحول الله
ماانش عاجب سعادة البيه
طب قولي وأنا أعمل إيه يانور العين
في نظرة غل شايفها انا بالعين
لحظة ما قالي سالك معاية كشكش
في الدرج ياله افرد أوام
وهنا حطها بالذوق ماتعرضهاش
هاتقوم مصلحتك عندي اوام هتتقضى
وتخدها بسرعة في أم إيدك وأنت واقف
من غير لفه شمال هنا ولفة يمين هناك
وبدون قوالة كتير وكلام حورات
رديت بسرعة عليه طب قولي أنا أعمل ايه
ليمني علي الحل دة بسرعة
بالأمانة وحياتك ابوس رجليك
بس وحيات عنيك فين هاتروح من ضميرك
حاسب نفسك وضميرك
أسألها هيه بكدة يعني سامحلك
تبيع فيها وتشتري فينا ازاي
على نفسك انته كدة راضي تكون
موظف حلنجي وحرامي وكمان مرتشي
ياراجل حرام عليك الامانة ليه تضيعها
عيب والله عيب من حالك اختشي
تبيع نفسك وليها تخسر دينك
عشان كام ملطوش مش هايعيشوك يومين
بسببهم تخسر نفسك ودينك عشان فلوس
من الحرام جاية تكنس في كرمتك
و تروح منك الهيبة عشان كام جنية
مايجبوش إبرة وحقنتين
يداوا الصحة اللي منك بتنتشي
تعليقات
إرسال تعليق