هنكمل المشوار بقلم ا. عبدالنبي عياد
هنكمل المشوار
لو يوم إتخلى عنك
أى حد فى دنيتك
لو يوم الفرحة غابت
وجفت يوم بسمتك
لو يوم الظلم داسك
وإنت ماشى فى سكتك
ماتخافش. هتلاقينى زى ضلك
خطوتى بتسبأ خطوتك
دالهروب شيء مش جميل
والحياه مشوار طويل
طول ما إيدى فى إيدك
هنحطم كلمة مستحيل
البكا مش هيفيد بحاجة
وإل راح ما نبكيش عليه
بكره جاى بينده علينا
شدوا العزم وإديكوا فى إيدينا
ماهى إيد لوحدها ما تسقفش
مع بعض هنرجع أراضينا
أيام راحت مليانه جراح
وأيام جايه وربك عالم بينا
والأمان أمنية من الله نرجوا
يعم السلام والأمن علينا
ونلملم معا جراح الماضى
ونعيش فى أمن والحب ساقينا
دالهروب دروب مليانة عتمة
وفيها كلاب بتنبح علينا
لكن طول ما إدينا فى إيدين بعض
هنقدر نرجع أراضينا
تعليقات
إرسال تعليق