ضحك ع الدقون بقلم أ احمد شوقي سلام
ضحك ع الدقون
للفنان الشاعر
احمد شوقي سلام 
في كل يوم بنقوم ونصحي
بنشوف ونسمع ف حكايات
وكله ضحك ع الدقون
ناس تبلطج وناس بترقص
ودنيا هيصة.. من كل فيلم
شكل ولون...
ولما تدخل جوه منهم
تفهم وتعرف إن الرواية
جنون ف جنون
بس المهم يكسب ايه... ؟
وقد ايه...؟..
ويشوف هايقبض
كام مليون..!!
واحد مبلطج وواحده ترقص
وكام مسطول عمال يهلس
مافيهمش واحد موزون
حرام عليكم غيرتوا حالنا
وضيعتوا فكر كمان عيالنا
مافاضلش حاجه ماعملوتهاش
من فتحي توتة للبكاش
حبة عيال عملتوا فلوس
وأتخن مافيكم ما بيسواش
إنتوا إيه مابتفهموش..!
قلة قيمة وأفكار عقيمة
كل الجديد تغيير وشوش..!!
كام رواية وكام حكاية
وهي هي نفس النهاية
إيه الهدف...؟
إي المضمون...!
أفلام كتير وكام مهرجان
والعدد بقي في الليمون
إيه يا عالم....!!
فين الثقافة....؟!
فين الفنون...؟!
كفاية هري كفاية نصب
كفانا جنون...
دنيا هيصة وكل فيلم
شكل ولون...
كله هزل وكله مسخ
وكله ضحك ع الدقون
تعليقات
إرسال تعليق