كلاكيت بقلم د.احمد محمود سالم

 قصيدتى ... كلاكيت!!!!!؟

 بتكتم ليه جواك.. وتقول إن أنت بخير.. دى بداية بحر هلاك.. جواه أصبحت أسير .. ودموعك بركان متحاشه .. والحزن عاملك كماشه.. بتكتم ليه جواك.. وتقول إن أنت بخير.. بتحلم إنى يوم أرجع.. لحضنك تانى لأجل ماعيش.. ماعادش الحلم ده ينفع.. خلاص فارق وماتلومنيش.. بترسمنى بفرشاتك.. جناح مكسور.. وتسجنى فى قلب جدار.. وتمنع عنى حتى النور.. وأنا من خوفى مش قادره.. فى لحظة غل إنى أثور.. على وضعى إللى صار مقلوب.. وغير حلمى وسنينى.. لعتمه تشق ضي التوب.. فتفضح كل شئ عندك.. وتتمادى قوى فى عندك.. فيظهر كل شئ معيوب.. أنا مش حمل أحزانى.. ولا هقبل فى يوم تانى.. يضيع حقى.. وأقول قدرى دا والمكتوب.. بتكتم ليه جواك.. وتقول إن أنت بخير

. كلما

تى .. سفير السعادة الشاعر دكتور أحمد محمد سالم جمهورية مصر العربية