انا بوصلتي قَلبـ♡ــيے بقلم مجدي الجندي
انا بوصلتى قلبى
بقلم...الشاعر مجدي الجندي
ايام الوحدة بتخنقنى
وايام بتبعدنى
عن ماضى له وجهين
وش للافراح..ووش كله جراح
واهى حسبة وبتعدى
يابخت اللى كتبها
وياقلب اللى حكاها
يارحلة مهما طولًت
اخرتها خلصانة
ياهلترى يابكرة
مين هايقرا وصيتى
زى اللى وصانا
لو فتحوا مزاد الفرح
انا اول البايعين
ولو نزلوا مزاد الحزن
انا اخر الشاريين
شوفوا بس مين مضمون
ومين عمره مش مرهون
يمسك بإيده الجرس
مين ماسك لجام لسانه
وسكوته وامانه
مالى ضميره حِكم
فايت يوزع ضحكته
ومن عينيه النور
ساطع داير مايدور
يشاور بصوت عالى
ع اللى عليه الدور
بااااا فكرى ليه معاندنى
وسايقنى....وواخدنى
متاهاتك ليه مابتخلصش
امانة عليك سيبينى
سوق الحلاة خلص
واللى لحق فيه جبر
انا بوصلتى قلبى
وعارف نقط دربى
امتى احس بتعبى
وارتاح انا بصبرى
Magdy ELgendy
تعليقات
إرسال تعليق