يا ست الكل يا مصر بقلم غصون زين
يا ست الكل يا مصر
يا أم الطرحة والضحكة
اللي بتنور صلاه الفجر
يا نيل بيجري في عروقنا
ويسقي الأرض صبر وفخر
يا ساكنة فينا
مش بس إحنا
اللي ساكنينك
يا أغلى اسم في الدنيا..
ما بين عيني وبين عينك
غصون زين
يا بلد الجدعنة
واللمة واللقمة اللي تتقسم
يا وش الخير على العالم..
يا فجر بينطق ويتبسم
يا "حيّ"
و "أهلاً"
و "يا مراحب"
لكل غريب
يا حضن دافي
بيطمن ويداوي
جروح الحبيب
عشقنا فيكي ترابك
وشوارعك
وريحة نيلك
عشقنا الصبر في ولادك
وبساطة ليلك وقنديلك
صحيح بنعتب
وساعات من الوجع بنبوّز
لكن في الشدة تلاقينا..
"نفر واحد" وما نتجزأش
يا مصر يا بهية..
يا اللي اسمك في القرآن
حفظك إلهنا من العالي..
ومن كيد كل خوان
هتفضل رايتك مرفوعة
وناسك في خير وامان
تعليقات
إرسال تعليق