اودع فْيَگ بقلم الشاعر عبد الحميد سالم
أودع فيك 
إيه قولي
اودع فيك
ايامي واحلامي
واوهامي
وفرح البيت
اودع فيك
ازهاري واشجاري
وانغامي
وطرح الغيط
اودع فيك إيه قولي
اودع صرخة الطوبه
ف قلب ضمير جدرانا
اودع شمعة اللمه
ف حضن حنين اذكارنا
اودع فيك عنبايه
على بيتنا بتذكرنا
اودع فيك دمعايه
على ليلنا بتهجرنا
اودع فيك ايه قولي
اودع فيك صوت الفجر
بيآذن على دارنا
اودع فيك قمح الضهر
بيسلم على جارنا
اودع فيك ايه قولي
اودع فيك صوت العصر
بيهفهف بموالنا
اودع فيك مغربنا
يلم صبايا أفكارنا
اودع فيك ايه قولي
اودع فيك انفاسي
واقلامي وكراسي
وحلم الفجر مع ناسي
اودع فيك ايه قولي
اودع فيك نجماتي
وصرخاتي وورداتي
وكل انين مناجاتي
اودع فيك ايه قولي
أنا ودعت فيك الروح
وايامي اللي طالها جروح
وعنبايه وورده تفوح
وشمعايه بهواها تبوح
وآهة ليل وطير مدبوح
اودع فيك ايه قولي
تعليقات
إرسال تعليق