زينة بنات البلد بقلم ايمن شوقي حبيب
زينه بنات البلد 
يا بت يا وردة على حد الغيط
ضحكتك تطرح ربيع وتحيى البيت
بعتلك جواب مع الهوا ع السكه
مكتوب بحبر القلب وكلماته زيت
يا أم العيون العسلى يا سحر البصة
لما تبصيلى السنابل تقوم رقصه
كل ما تبصى بطرف عنيكى
قلبى يغنى من المواويل ميه
وشَعرك ليل مفرود ع الكتفين
ساتر قمر عالى الجمال
لو هب الهوا يرقص خصله
أقول يا ناس ده إيه الدلال
وشفايفك بندق محمر
لأ شافه رمان ولأ عسال
لو تضحكى يضحك الوادى
ويسقف النخل بالجمال
وقوامِك عود قوف الساقيه
مايل ولأ يوم اتعدل
والتوب فوقك يقول يا ناس
ستر الجمال اللى أتكتل
أنا فلاح ماليش في كلام المدينة
لكن بعرف أحب من قلبي وأصونه
أزرع غرام وأسقيه من حنيتى
وأحصد رضاكى وأعشق عيونه
يا أصل الجمال والكمال والدلال
لو وافقتي أجيب الشبكة والعزال
الغيط يشهد أعمل فرحنا فوق الهلال
والقمر يبارك والليل يغنى
لأجمل فلاحة خطفت قلبي منى
تعليقات
إرسال تعليق