غيابك بقي مقبول بقلم زين الحصري

 ..... غيابك بقي مقبول .....

=============== 

دلوقتى بس أنا أقدر أبوح وأقول

غيابك عني مهما طال

بقي مقبول

  

دلوقتى بس فهمت ليه قالوا الفراق صعب ف البدايات

 

عشان لسه الحنين فينا لشويه ذكريات

ذكريات بتفتح ف القلب كام موضوع

ذكريات تخلي كل شيئ موجوع

 

فيها الحقيقة وعكسها

تشوفها تقول هي ذاتها نفسها

عارفه إمتي الفراق 

يوم موتي بأحساسك

الفراق أنا كنت بحسه 

في أنفاسك

  

كل إللى فكر فى الغياب 

من غير وداع

زي إللي حب يصفي الحساب بالدراع

 

وكل إللى كان عايش على وجودك خلاص رافض للحياه

 

وخلاص بقي رافض يواصل أستنزافه بقوله آه

وقت الرحيل خلاص بدء لكل إللي بايعين

وخلاص زمن العتاب أنتهي وراح وياه الحنين

دلوقتى بس أنا أقدر أبوح وأقول

غيابك مهما طال

بقي مقبول

===============

..... زين الحصري .....