قصيدة احلام سعيدة بقلم/ياسر صلاح الشاعر
قصيدة احلام سعيده
~~~~~~~~~~~~
فرحان مزقطط والدنيا عادي
بالليل مظبط والصبح راضي
والخير قلوبنا مليان جيوبنا
واللون قصادي دايما رمادي
النيه صافيه وقلوبنا واحد
نفسك فــ حاجه بالحب تاخد
بيفيض ونشبع والباقي اوزع
تفرح قلوبنا والهم باعد
من كتر مالي ع الفاضي اصرف
ومِـــن السعاده دايما برفرف
وحياه جميله شايلانا شيلة
لو شيء فــ نفسي الكل يحدف
فــ الدنيا عايش اجمل حالاتي
دايما ألون ارسم حياتي
انا ليه افكر فـ المر اسهر
ده من السعاده بتفوت ساعاتي
الضحكه طلعه فوق فــ العلالي
لو ثانيه احزن افرح ليالي
فـ الحب روحي ومفيش جروحي
لو كنت اقرب فــ القلب غالي
تعليقات
إرسال تعليق