رباعيات بقلم/ايمن الصاوي
رباعيَّات
أمَّك هيَّا الوحيدة اللي تخاف عليك
وابوك يشقي العُمر عشان يرضيك
غيرهُم ورغم كًترهُم حواليك
عشان مصْلحِتهُم يبيعوا ويشتروا فيك
أمِّى لا يطْلع مِنْها الْعيبه لاهزار ولا مزاح
زى الزهرة جميله عِطْرها فوَّاح
زى المطر يحيى الْأرض بعد موتها
وتِطرح ثمارها خُضرة ومانجو وتفاح
الأُخت زى الأم قلْبها ملْيان حنان
تفْرح لمَّا تزورها وتاخْدك بالأحْضان
وتلاقى ضحْكتها تاخْدك لأيام زمان
في قعدتنا بين أمى وابويا فى شهر رمضان
أجمل أيٍَام عِشْنَاها واحْنا صُغيرين
لمَّا كُنَّا فى بيت العيله مع بعض عايشين
لا كنَّا نشْغِل بالْنا ولا شايلين هم ولا مسئولية
رامين على أبونا كُلِّ همومنا واحْنا متْهنيين
مسْحِة ايد أمِّى على جبينى كانت تطيب الجراح
ولمَّا كُنت أتْرمى ف أحْضانْها كُلِّ الهموم تِنْزاح
بتْمنى يوم من أيامها ترجع لِنا ونشوفْها
دى النظرة من عينيها تغسل همومنا والقلب يرتاح
تعليقات
إرسال تعليق