امي بقلم أ عبدالمنعم مرعي
.............أمــي .........
مش قادر اوصفلك مشاعري
وانا ببقي جايلك
بحس بروحي عليكٍ رايحة وسبقاني
مني و ليك ٍوخداني تبوس ع خدك الوردي
تلمس حنان ايديكٍ و بعطف قلبك
الكبير تضميني ليكٍ يادنيا كلها حنان
بيكي حاسس فيها الامان
وانا جنبك و بين ايديكٍ
جوايا حاجات ماتتوصفش من اللي الفرحة
اللي مش سيعاني
لهيب فرحها بيكوي زي نار بتلسعني
نفسي يامة اقولك بحبك
تعمل زي زلازل في كل مكان وبركان
من الحب يملأ الكون كله فرح واماني
وعندك تجيبني بسرعة وتوديني
نفسي الناس في العالم كله تسمعني
وازاي يعرفوا انك عندي ست العالم دا كلة
انا عارف انك بقلبك سمعاني
ماانتي اللي جواكٍ اتبنى اساس بنياني
لحظة ما اتقلب كنت القيكٍ بقلبك حساني
مني كنت بتتالمي ولاقولتي بالاهة ياني
عارفك صبرتي عشاني واتحملتي
اوجاعك
لحد ماابتديت ولمشوار الدنيا انا جيت
وابتدا لعمري مشوار تاني
ماعمركيش ماليتي ولاقولتي كاليتي
من حملك اللي بيه شايلة البيت
ليلاتي بتسهري وبهمومنا وماشكلنا بتباتي
كتير بتفكري ولكل امور بيتنا وحياتنا بتدبري
شيلانا شيل من علي الارض فينا تفكري
وطول عمرك علي نفسك مابدوري
ولينا ولحياتنا تدوري
لو العمر يتوهب انا كنت وهبتولك
واجيبلك الكون لحد عندك وادهولك
واعملك من قلبي فرشة وعيوني تكون غطاكٍ
امي
ياهدية م الرحمن
ياحروف وصلها امان جنة من الرحمن
تسلمي لية وتعيشي
ياكل حتي من ريشي
جوة منها كنت برفرف وكبرت وكبر ريشي
اسبحي في روحي وجوة مني عيشي
ياكل كلمة وحرف ف كتابنا بحق الله
احفظ أمي زي ماهي زمان حفظت علينا
وكانت بتخاف علينا و حماتنا من كل الاخطار
وسهرت تواصل الليل بالنهار لجل مانشوفش اخطار
وعدت بيه بر امان
أمــي
لوتقدر الحروف توصف قد ايه بكون ملهوف
عليكي لما عني لحظة تغيبي بلاقي قلبي طب
ووقغ من كتر الخوف
وعليكي بقوم واجري وقلبي عليكٍ مخطوف
عشان اجيلك وعيني ليكي تشوف
وعنك اطرد من حوليكٍ وعندي أ ي خوف
بيملكني انك ف لحظة تسيبيني
أمــي
مهما اقولك من كلام
ف وصفك مش هايوفيكٍ الكلام
واقفة عاجزة الحروف خجلانة
خايفة ماتكونش ممٌكنة
زي ماانتي جواية مالكة قلبي ومنة مُتمكنة
امــي
الكلام عنك يطول ولو طولت وفيه اسطر
فحقك واقول مش هايكونوا منصفين
..........
أمــي
لوكُنتي نسيتي لساني ليكي فاكر
ايام شوفتيها بالاسية
واسيتٍ منها وانا لسة جواكٍ جنين
ونبض قلبك اللي فيكٍ راكن
فمهما اعلي لااعلي المناصب وتاخدني
من نفسي تشدي المراكز
مش هاتغيرني ولاتاخدني منك الامكان
يالي افضالك عليه فاكرها
ومع الايام درسها ومهما يعدي لفضلك مذاكر
أمــي
ياصندوق سر كبير لعمري وحياتي
من يوم مافتحت عيني ع الدنيا لقيتك
انتي نور عيني وحياتي
انتي مركبي وقلبك شراعة
لمسة ايديكٍ الحانية لبر الامان كنتي بتاخديني
لكل الطرق السالكة بتوديني
أمــي
حبك لقلبي اصلي
بجذورة العميقة علي كل حواسي سيطر قصري
ياسكنة قلبي وهواكٍ حصري
أمــي
أمــي .....أمــي
أمــي.....
تعليقات
إرسال تعليق