اصعب فراق بقلم ا حسن ابو علي
{{{{{{{{{{{{{{{{{أصعـب فراق}}}}}}
}}}}}}}}}}}
=============================
أنـا بعـد ماأمـي ماتت والدنيا فـي عـيني داقـت
والضحكة الحلوة غابـت وشجرتي فروعها مالت
ولا ميـن هيقدر بعدهـا يـعوضنـي أبدا عن حبهـا
كانـت بـنظـرة مـنهـا بلاقـي كـل هـمومـي زالـت
خلاص بقيت يتيم بَعدها ربي يصبرني ع بُعدها
تغور الدنيا من بُعدهـا ياريتني مُت وهي عاشت
والله وحشنـي حضنها وغفـوة عصاري ع رجلها
وتمسح جبيني بيدها رااح الحنان بعد ما راحت
صعبة الحياة بعد رحيلها تايه ف الدنيا م غيرها
يارب عَجِل وأقابلها لسـت الكل روحي إشتاقت
يرحمها ويرحم زمانها الدنيا ماتسواش ضافرها
هي اللي بكرم لخاطرها هكرم لمين بعد ماماتت
دي مش بس كات امي دي كانت ضهري وسندي
فـي الدنيا بعد ربـي ولا عُـمرهـا نخت ولا مالـت
شايلاني وشايلة همي وكنت ف أحضانها برمي
نفسي لومحروق دمي بلاقي فرحة قلبي عادت
م حضنهاالدافي إتحرمت م بعدها بجد إنكسرت
برغم إني خلاص كبرت والعيشةأرتاحت وراقت
ماأنا عندي ولاد وعزوة وأخوات أكتر من عشرة
لكن ماحدش عنده قدرةيعوضني عنها لما غابت
كان بيكفيني منها دعـوة لـو مريت بديقة وكبوة
لجل ما أرجع ند وأقوى مهما الدنيا عليا أتعافت
دلوقتي ف العزيمة والقوة ولاحول بقية ولاقوة
وضعفـت وزماني أستقوى والأيـام عليا إتغابـت
والبيـت اللـي كـان عمـران بنفسهـا حنـان وأمـان
دلـوقتـي مليـان أحـزاااان والفرحـة عنـه غـابـت
ف وجودها جنبي ولا كان لادنيا ولا أيام وزمان
ولا إنس حتى ولا جان عنية منهم لحظة خافت
حضنهـا كان حصـن أمـان وقلبهـا علطول مليـان
حب وعطف وأحسان نعم ومن غيرهاإستحالت
ملاك كانت ف توب إنسان جميلة تبارك الرحمن
مثال للطيبةوالإيمان ولاعمرها غدرت ولاخانت
سابت فقلبي فراغ كبير وكأني لسة طفل صغير
لسـة عايز منها كتير برغـم إن ملامحي شاخـت
راحت وراح معاها الخير وإنتهى الحلم الجميل
وسابتني لإسوء مصير لاغابت حياتي ولاطابت
قوينـي وصبرني يارب ع فـراقها ووجـع القلـب
رحيل الأم أمانة صعب كسرت قلب ومني نالت
أصعب فراق حقيقي بجد ربنا مايكتبه على حد
مش قادرأعيش ع أرض امي تحت ترابهانامت
اللـه يرحمـك يـاأمـي ويـرحـم إبنـك مـن بعـدك
تعليقات
إرسال تعليق