عيد الام بقلم ا/ عادل شريف
الهى يرحمك يا أمه ..
....يا اجمل حضن موش بأنساه
الهى تكونى فى الجنه .....بتتهنى بنعيم الله
بحق تقاكى وايمانك
بحق شقاكى وحنانك
واخلاصك واحسانك لناسك ولعباد الله
الهى يرحمك يا أمه
يا رب الست دى عاشت حكايه غير ما بين الناس
يا رب الست دى ماتت على التوحيد وعلى الاخلاص
وياما علمت فينا
نصون الحق بعنينا
ونبقى صوت ضمير حساس
بحق تقاكى وايمانك
بحق شقاكى وحنانك
واخلاصك واحسانك لناسك ولعباد الله
الهى يرحمك يا أمه
يتيمه فرحتى فى بعدك
ولا يتهنالى يا أمه حياه
يصبرنى الأله بعدك على الدنيا وأقول الأه
مفيش ولا لحظه بتعدى
يا أمى غير وأنا بأدعى ومن قلبى فى كل صلاه
بحق تقاكى وايمانك
بحق شقاكى وحنانك
واخلاصك واحسانك لناسك ولعباد الله
الهى يرحمك يا أمه
تعليقات
إرسال تعليق