كيف حالك بقلم احمد شوقي
كيف حالك..؟ 
بفكر
بفكر في الدنيا الكبيرة
والناس الطيبين
اللي قلوبهم مليانه خير
ولسه عمرانين
بفكر في كلام جميل يليق
ويعبر عن جمالهم
عندهم بساطة في كل حاجة
حتى الفكرة في خيالهم
أقصى ما في طموحهم
الستر والرضى
ميتمنوش م الدنيا
اكتر من كدا
و بفكر في الجدعنة اللي
انتهت و راحت
بفكر في الصحاب اللي
في الدنيا تاهت
وف ضماير الناس اللي
يا عيني ماتت
بفكر في سنين كتير
حلوة فاتت
ياريتها ترجع زي زمان
ونلاقي المكان غير المكان
والناس تحب بعضها
وتوصل حبل الوداد
ميشلوش جوه القلوب
غل وحقد وسواد
يسألوا على بعض دايماً
بمناسبة ومن غير ميعاد
______________________
تعليقات
إرسال تعليق