اللي وجّع قلبي كان واطي

ضحك عليا بكلمتين

كنت شايفه أغلى من روحي

وهوّا شايفني من السَهلين

أنا اللي داريت على جراحه

وفتّحت ليه بابي بحنيه

وهوّا طالع وداخل كأنه من السكاكين

وبينزفني وأنا بديه

كنت بصدّق كل كذبه

وأقول معلش يمكن يتغيّر

وهوّا بيغرس فيا غدره

وأنا بقول يمكن بيتأثر

الواطي ما يعرفش معنى الأصل

ولا يحس بالناس اللي تحب

عايش على وشّ الناس وبيجري

ويسيب قلوب مليانه تعب

أنا اللي قلبي كان بيرتجف

من خوف عليه ومن الغياب

وهوّا بيضحك في حضن غيري

وينسى كل سنين عذاب

أنا اللي وجعي كان بيسامح

وهوّا ما يعرفش الغفران

أنا اللي عيوني كانت دايمًا

تبكي وهوّا نايم في أمان

بس خلاص قلبي فهم اللعبه

الواطي ما يتغيرش يوم

واللي باعني في عز حنيني

ما يسواش في عيني اللوم

أنا قلبي اتكسر واتعلّم

بقى يشوف الصح من الملامح

وكل ما يشوف طيفه في حلم

يقول لنفسه دي جراحك

مِجلــة ࢪ࣪ين آلآلکِتࢪونيــة