الوعود الزائفة بقلم ياسر صلاح الشاعر
الوعود الزائفة 
~~~~~~~~
شوف ناسي ايه من حبنا باقي هناك
خد قلب جوانا انجرح وسنين معاك
خد حب ساكن قلبنا ما بقاش يفيض
خد كل لحظة من الفرح قلب احتواك
باقي منا حبر على الورق حبه سطور
باقي بنا احساس اتهدم ما بقاش شعور
خد قلب باقي من الزمن العاشقين
باقي بنا ذكرى من الألم قسوة وغرور
مابقتش حاجة عشقتها حب السنين
كان قلب كانت قصته موت الحنين
مابقتش حاجة بحبها شوف ناسي ايه
خد ابتسامة رسمتها فـــوق الجبين
باقي منا ذكرى حطامها بين الدروب
باقي بنا احساس اتولد جوه القلوب
باقي بنا كلمه كتبتها جوايا شوق
باقي بنا وعد وأمنية ساعة غروب
تعليقات
إرسال تعليق