أسفين بقلم جيلاني انور
( ٱسفين )
النائب مبقاش بيسلم
إتكبر مبقاش يتكلم
ما خلاص
ع الدايرة أهو علم
النائب مبقناش نشوفه
إتنكر راح حنى كفوفه
مابقاش يسمعنا حروفه
في فرحنا قرر ما يجينا
في الهم بطل يواسينا
في الموت أوقف تعازينا
دحلاب وكلامه أكاذيب
مكار أكتر م الديب
دا لأنه صاحب ألاعيب
النائب أكبر فتاي
متعود يعزف ع الناي
خدعنا وأقسم ماهو جاي
النائب لهف الملايين
دا حرامي كلنا عارفين
وف نظره كلنا جاهلين
النائب فاز بالكراتين
إدانا أكبر إسفين
لأنفسنا بنقول ٱسفين
ٱسفين ٱسفين ٱسفين
تعليقات
إرسال تعليق