حبة آرواح بقلم احمد شوقي سلام
حبة أرواح
للفنان الشاعر
احمد شوقي سلام
_________________
نفسي نغير أفكارنا
ونخلي العالم يبقى براح
ونعيش الدنيا بحذافيرها
ونبدل حزننا أفراح
ماهي دنيا ولازم هاتعدي
واحنا يادوب حبة أرواح
ملعون أبو جرج ماهوش دايم
ليه نمسك فيه بقى و َنعيط..!!
ناس عايشه وملهاش قيمة
عايزين دمنا محروق متشيط
والكل عايشها لمصلحته
ليه نشغل بالنا ونحسبها
كل واحد على راحته
يمشي في السكة اللي حاببها
ما تعيشها واديها طناش
وماحدش أبداً هايلومك
دا الحزن نهايته الإنعاش
لو مسكك هايعجل يومك
ولا صاحب هايفكر فيك
وعمرك هايعدي ساعات
هايقولوا دا كان بيه وعليه
يلا أهو أخد الشر ومات
علشان كدا لازم نتغير
ونخلي العالم يبقى براح
ونعيش الدنيا بحذافيرها
ونبدل حزننا أفراح
ماهي دنيا ولازم هاتعدي
واحنا يادوب حبة أرواح
تعليقات
إرسال تعليق