فصل الربيع

بقلم سعيد ألجدي الادريسي

اجي تشوف

يا ولد الباهيات

العروبية طلقات علينا

زينها و سوالفها لمعطرات

يا حميدة لحميدات

اجي تشوف لخضورية

اشحال زيانت بلادنا لمجيدة

مدة هذي ما رمقت عينينا

يعني، هاذ الجمال لخضر الفتان يا فريدة

شوف الورود و الزهر و الزنبق

اشحال زينة حقول عروبيتنا لمديدة

سعداتك يا اللي عندك أرض فلعروبية

راك سعيد بلخضورية المنوعة العديدة

ارواح يا صاحبي و يا خويا

يا احبابي و اصحابي و حتى جيراني

نديرو نزاهات فعروبيتنا اللي بلخضورية سعيدة

يا رب، لك الحمد و الشكر فكل وقت و حين

حييت لينا العروبية بلخضرة لوجيدة

في فصل الربيع

ملك الفصول الأربعة الزاهية

عروبيات بلادي شهدة لذيذة

الكل يفرح، الفرسان و الخيل

و حتى المحرك يفرح فرحات جديدة

اللهم صل و سلم و بارك

على العدناني ملهم السعادة الحميدة

يا رب، بارك في بلادي الخضراء

يا رب، احم الوطن و سيدنا العلوي.

Said Alajdi El Idrissi

Maroc