معاني الحب بقلم صلاح محمود عفيفي
معاني الحُب..........
جبتلكِ خّد الجميل
وحُصان حلاوهّ
لسهّ م طلعلوش سِنان
عشقان وبيميل ع الأمان
وحكيتلهُ عن أحلام زمان
ورّسمت حواديت الحنان
وجريت وصّليت ع النبّي
وهِديت وتّفيت ع الشِطان
ونزلت صّليت ركعتين
وسعيت ورا حلمي أّنكُشهُ
وحِفيت ورا أّلمي أّكرُشهُ
وشقِيت ورا غيط المُنيّ
لأجل أّرعشهُ يبوح اللي كان
إستّغفّري بقي ربنا
كِدّه بالهداوهّ وقّربي
قومي إركبي معايا الهّنا
وم تسأليش علي فين نروح
الحُب أّقوّي من الجروح
قومي إسحّبي لجام الجموح
وإكتبي العنوان أروح
وياكي لحدود كّوكّبي
ولا تغضّبي ولا تهرّبي
ولا تعرِبي تاني الأسف
أنا لسه خافي الآهه
عن عُمر إِنخّطف
وجريتلهُ حافي علي الأنين
شايل مواقيت الحنين
كّف الجروح مّبقاش يلين
وخِفيت عناوين البُعاد
عن روح وداد قلبي الصّبي
وداريت عليكي لتتعّبي وتقّربي
كّرشة نّفس
للصّدر وخفِيت الألم
الوهم رّديت نّدهتهُ وياالنّعس
عشمان حمام العِش بيه تتقّربي
لفرش الوّنس
الدم دّقيت غربتهُ وبتنزوي
والكّرشهّ ف عروق النّفس
خانقه الضّيا بتضيق قوي
ف م تزرعيش الوهم تاني
عشان معاني الحُب
بيكي م تنكويش
وإرمي النّدا لكاس العطش
يتبّل ريق م يهمكيش
وتعالي قاسميني الطريق
نمحي الخّرس ولا تُرفُضيش...!!!
تعليقات
إرسال تعليق