الدنيا غريبة بقلم ايمن شوقي حبيب
الدنيا غريبه بشكل غريب 
ماشيه بترتيب ملهوش ترتيب
بتقرب ناس من ناس بالوقت
وبتبعد ناس عن ناس وتغيب
حاصل ضرب الأيام في الناس
على قسمه ربك يبقى نصيب
تعريف الخوف إنك تبقى
خايف تتساب أصلا فتسيب
يا هتندم على شيء سبته
يا هتفرح بعد ما سبته
ربك قسمها بحيث أنك
تتوقع شيء يحصل غيره
وتسبها فتمشي بترتيبه
كلها حسابات وبتتقيد
فى دفاتر بكره وعلم الغيب
الدنيا غريبه بشكل غريب
تعليقات
إرسال تعليق