ايه يعني الحب بقلم صلاح محمود عفيفي
إيه يعني حُب..........
لِسه ع السِلم بألمّلِم
شَهقتي م الروح عليك
وبأكلّم البوح اللي كمّم
نّدهِتي وشوقي لعنيك
وأتعّلم أحكيلك وأسّلم
رعّشتي لمسة إديك
أنا مين أكّلم لو م جيت
أنا لِسهّ بأحلم م إنتهيت
والكل يعلم لو داريت
إن إنت أول م إبتّديت
أفهم معاك إيه يعني حُب
أندم وراك إن خاني قلب
وأحب أتمم فرحتي
من ليل هواك
حتي إن بَداّ ف الطعم وهم
ولّم عنقود م إستواّ
أرّحم وأنا بأتجرعهُ
من قسوتك
من قسوة الليل والهَواّ
ولا يلمسهُ
غير كاسي كاس
أنا غيرتي ليك
ملهاش مقاس
هِيّا الأساس غير أي ناس
تّمتِم وقول إحساس غريب
م إنت الطبيب
وبدون دواك وإحنا سَواّ
أنا حُرقتي ملهاش دَواّ...!!!
شعر
صلاح محمود عفيفى
تعليقات
إرسال تعليق